Aneirin Karadog yw Bardd Plant Cymru

Cyhoeddwyd mai Aneirin Karadog yw Bardd Plant newydd Cymru ar lwyfan Eisteddfod yr Urdd yng Nghilwendeg, Sir Benfro, y prynhawn yma.

Mae Aneirirn yn dod yn wreiddiol o Bontypridd, ac aeth i Ysgol Gyfun Rhydfelen. Mae’n gyflwynydd teledu ar rhaglen Heno ac yn gyn-aelod o’r grwp hip-hop, Genod Droog.

Mae Aneirin yn byw ym Mhontyberem gyda’i wraig, Laura, a’i ferch flwydd oed,Sisial.

Mae’n siarad pump iaith – Cymraeg, Saesneg, Llydaweg, Ffrangeg a Sbaeneg.  Mae ei gyfrol gyntaf o gerddi, O Annwn i Geltia, ar restr fer Llyfr Barddoniaeth y Flwyddyn 2013.